Një mesoburrë ka vrarë me një objekt të mprehtë, me gjasë thikë, një fëmijë dhe gruan e tij dhe më pas është vetëvarur në një banesë në Pançevë. Gjithçka ka ndodhur në vendbanimin Kotezh në Pançevë..
sipas njoftimeve një shtetas rus (46), gruaja e tij (50) dhe një fëmijë (9) janë gjetur të vdekur në një banesë me qira në Pançevë, kur policia ka thyer derën e banesës rreth orës 12:30 të mbrëmjes së djeshme dhe i ka gjetur. Siç mësojmë nga vendi i ngjarjes, bëhet fjalë për mjekë dhe ndërsa e vrarë Olga G.B punonte si neonatologe në Rusi, bashkëshorti i saj Ashov G.V ishte kirurg.
Nuk dihet motivi i krimit të tmerrshëm dhe dyshohet se Ashov fillimisht ka vrarë gruan dhe fëmijën e më pas është vetëvarur.Siç mësojmë nga vendi i ngjarjes, ata kanë ardhur nga Rusia nga frika e mobilizimit.
“Djali i saj nga martesa e parë (18) ka jetuar me ta, por është deportuar pak ditë më parë. Ai apartament është i tyre, e kanë blerë para dy muajsh. Jemi të gjithë në shok”, thotë bashkëbiseduesi ynë nga terreni.
Trupat e pajetë janë gjetur ditën e djeshme dhe dyshohet se Ashov ka vrarë me një mjet të mprehtë gruan e tij, ndërsa ka mbytur fëmijën.
Trupat e autopsisë
Për gjithë ngjarjen ka njoftuar edhe Prokuroria e Lartë Publike në Pançevë.“Në vendin e ngjarjes ka dalë për hetim nga zëvendësprokurorja publike kujdestare, e cila ka urdhëruar kryerjen e autopsisë mjekoligjore të trupave të pajetë, analizën e indeve të trupit për praninë e narkotikëve, alkoolit dhe barnave me bazë qetësuese, si dhe grumbullimin e prova të tjera të nevojshme për të përcaktuar të gjitha rrethanat e ngjarjes”, thuhet në njoftimin për shtyp.