Analistët politik dhe të sigurisë, konsiderojnë se zhvillimet e fundit në raportet Kosovë Serbi, shumë lehtë mund ta prodhojnë një luftë të re në mes të këtyre dy vendeve, luftë kjo e cila do të jetë me pasoja fatale jo vetëm për rajonin e Ballkanit, por edhe më gjerë.
Një rrezik të tillë e paralajmëron analisti i njohur Agim Bajrami, sipas të cilit janë krerët e politikës ata që duan luftë, dhe nuk është as populli i Kosovës dhe as ai shumicë në Serbi, Bajrami thotë se popujt e dy vendeve, shqiptarët dhe serbët t’i thonë jo luftës.
“Luftërat nuk sjellin kurrfarë të mirash, por shkatërrime, vrasje dhe humbje jetësh në të dy anët (shqiptarë dhe serb), dhe edhe po të luftohet, pas lufte përsëri duhet të bashkëjetojnë së paku si fqinjë.
Historia ka dëshmuar,se luftërat bëhen nga të mëdhenjtë, dhe në shërbim të tyre, dhe për interesat e tyre, dhe pse të luftohet dhe të vritemi atëherë, shih luftën në Ukrainë për gati katër vite. Atëherë stop përpjekjeve për hapjen e luftës në mes të shqiptarëve dhe serbëve, për kauzën e tjetër kujt, në emër të interesave kombëtare”, thotë Agim Bajrami për “Kosova Times”.
Sidoqoftë ai thotë se rreziku është shumë serioz, pasi janë nxehur tej mase kokat politike dhe ushtarake.
“E di që nuk ka mençuri, aftësi dhe vullnet që brenda popullit, që shqiptarët dhe serbët të shmangin më të keqen, luftën ndërmjet tyre, por kur lufta të shpërthen që edhe pa dyshim se do të shpërthej, Kosova dhe Serbia, do të jenë ‘GAZA evropiane’ në tragjedinë e dy popujve.
Dhe në ‘Ballkanin Perëndimor’ do të jetë beteja e zgjerimit të luftës së tretë botërore ndërmjet aleancës perëndimore dhe aleancës së lindjes, në krye me Federatën Ruse përmes shqiptarëve dhe serbëve për formimin e rendit të ri botëror, por ndoshta në fund pa shqiptarë dhe serb… Ju lutem,shqiptarë dhe serb, thuani Jooooo luftës që do i shkatërroj të dy popujt, kërkoni dhe luftoni për paqe dhe respekt të ndërsjellët. Kërkoni të ekzistoni në rendin e ri botëror të dy popujt, e jo shkatërrimin e vetë vetes…Ju lutem, thuani Joooo luftës”, është thirrja shqetësuese e analistit Agim Bajrami.
Njohësi i fushës së sigurisë, ish eprori i lartë i UÇK-s, TMK-s dhe ish agjent i SHIK-ut Naim Miftari, për këtë rrezik që po i kanoset Kosovës pas acarimit të situatës me aktin e sulmit të fundit në kanalin Ibër Lepenc, akuzon jo vetëm Serbinë, por edhe një pjesë të politikës kosovare, bllokun opozitar që me të gjitha mjetet po e Lufton dhe kritikon Qeverinë Kurti.
Ai thotë se ka një koordinim të ngjeshur në mes Serbisë dhe forcave të brendshme politike destruktivë në Kosovë që bëjnë luftë Speciale kundër Qeverisë së Kosovës, luftë hibride.
“SMS- at e Beogradit në koordinim të plot me opozitën e Kosovës dhe telallat e tyre mediatik dhe me “Grenellat” ndërkombëtar pro-serb”, thotë Naim Miftari.
“Beogradi përmes sulmeve diversantë, përmes terroristëve dhe forcave të tyre të sigurisë, përmes pllakateve, përmes filikaqave, përmes TNT-së e bombave të dorës po donë me tregu prezencën në veriun e Kosovës se ai është faktori që vendos për paqe ose për dhunë (për akte terroriste)
Sulmi i Beogradit zyrtar në komuna me bomba të dorës M-75 dhe në Ibër Lepenc përmes TNT-së është një sulm simbolik kundër institucioneve të qeverisë së Kosovës (Albin Kutit) dhe kundër ekonomisë së Kosovës para festave ortodokse Serbe edhe për ti mobilizuar qytetarët Serbë edhe përmes frikës rreth listës Serbe gjatë zgjedhjeve që janë në shkurt”, tha Miftari për “Kosova Times”.
