Grupi militant palestinez Hamas tha sot se ishte përpjekur të mbante gjallë të burgosurit izraelitë që mbante në paraburgim, por se ata u vranë nga ushtria izraelite me insistimin e kryeministrit izraelit Benjamin Netanyahu për të vazhduar luftën në Gaza.
Gjatë dorëzimit të trupave të katër pengjeve izraelite, Hamasi tha në një deklaratë se “ruajti jetën e të burgosurve okupues”, se u dha atyre atë që mundi dhe “i trajtoi ata në mënyrë njerëzore, por se ata u vranë nga ushtria e tyre së bashku me robëruesit e tyre”, raportoi Al Jazeera.
“Krimineli Netanyahu po qan sot mbi trupat e të burgosurve që iu kthyen në arkivole, në një përpjekje të dukshme për të shmangur përgjegjësinë për vrasjen e tyre para publikut të tij”, shtoi Hamasi.
