Yllit të muzikës amerikane Jennifer Lopez iu ndalua hyrja në butikun Chanel në qendrën tregtare Istinye Park në Stamboll, raportuan mediat lokale. Ajo reagoi ndaj kësaj në një mënyrë që shumë yje të tjerë nuk do ta bënin.Kur roja e sigurisë i tha se nuk mund të hynte, Lopez nuk u mërzit dhe tha vetëm “Në rregull, s’ka problem” dhe u largua. Punonjësit e butikut iu afruan, kërkuan falje dhe e ftuan të kthehej, gjë që ajo e refuzoi.
Gazetarët amerikanë kontaktuan menaxherin e këngëtares në lidhje me këtë lajm, por nuk morën përgjigje. Në vend të Chanel, ajo bëri pazar në butikë të tjerë luksozë si Celine dhe Beymen.
Ndryshe, më 5 gusht, ajo mbajti një koncert në Stamboll si pjesë e turneut “Up All Night”. Në fund të muajit të kaluar, ajo festoi ditëlindjen e saj të 56-të në Antalia, dhe një pjesë të atmosferës e postoi në rrjetet sociale.
Këngëtarja do ta përfundojë turneun e lartpërmendur më 10 gusht, kur do të performojë në Almaty të Kazakistanit.
