Ikona skoceze e modës Pam Hogg, një stiliste, krijimet ekstravagante të së cilës u veshën nga yje si Rihanna, Lady Gaga, Kylie Minogue dhe Kate Moss, ka ndërruar jetë, ka konfirmuar familja e saj.
Në një deklaratë të postuar në Instagram, familja e PAm Hogg tha se ishin “thellësisht të trishtuar nga ndarja nga jeta e Pamelës sonë të dashur”. Ata thanë se Hogg vdiq “paqësisht” në kujdesin paliativ, e rrethuar nga familja dhe miqtë e ngushtë. Edhe pse mendohej se ishte rreth të 60-ave, ajo kurrë nuk e zbuloi publikisht moshën e saj.
Nuk është bërë ende publike shkaku i vdekjes, por familja i ka shprehur falënderime të veçanta stafit të Spitalit të Kujdesit Shën Jozefit në Hackney për ‘kujdesin e mrekullueshëm që i dhanë Pamelës në ditët e saj të fundit’.
