Blogerja Denise Gongora ka vdekur në Tajlandë . Ajo njihej në botë si Maria Magdalena. Modelja u gjet e vdekur pranë hotelit të saj disa orë pasi kishte hyrë në hotel, sipas Daily Mail.
33-vjeçarja, emri i vërtetë i së cilës ishte Denise Ivonne Jarvis Gongora, vdiq pasi ra nga ballkoni i katit të nëntë të një pallati shumëkatësh të martën, raportoi Phuket News këtë javë.
rupi i modeles meksikano-kanadeze u zbulua nga stafi i hotelit në zonën e parkimit të Kullës Patong pas orës 13:30, sipas policisë lokale, vetëm disa orë pasi ishte regjistruar për një natë.
Khaosod English raportoi se trupi i Gongorës u transferua nga Spitali Patong në Spitalin Vachira Phuket për një autopsi të plotë për të përcaktuar shkakun e saktë të vdekjes.
Pak para vdekjes së saj, ajo kishte postuar në mënyrë të fshehtë në mediat sociale skenën përmbyllëse të filmit të vitit 1998, “The Truman Show”, së bashku me një foto të sajën nga fëmijëria.
Daily Mail ka shqyrtuar informacionin e lëshuar nga policia lokale që verifikon identitetin e saj dhe ka konfirmuar në mënyrë të pavarur vdekjen me burime pranë familjes.
Artikulli thekson se trupi i blogeres është dërguar për ekzaminim mjeko-ligjor. Ende nuk është e qartë se si vdiq saktësisht Maria Magdalena.
Aktualisht, modelja skandaloze ka rreth gjysmë milioni ndjekës në internet.
