Në muret e Teatrit Kombëtar në Prishtinë janë shkruar grafite kundër gjyqtarit Mentor Bajraktari dhe prokurorit Afrim Shefkiu, të cilët morën vendimin në rastin e ish-policit serb Dejan Pantiç.
Gjyqtari Bajraktari pas propozimit të prokurorit Shefkiu ka marrë vendim që ish-policit që dyshohet për sulm në zyrat e KKZ-së, masa e paraburgimit t’i zëvendësohet me arrest-shtëpiak.
Në lidhje me këtë çështje, gjatë ditës ka folur edhe kryeministri i Kosovës, Albin Kurti, i cili ka shprehur habinë ndaj këtij vendimi. Ndërkaq, një vendim i tillë është mirëpritur nga Bashkimi Evropian.
Pas vendimit për arrest shtëpiak, kryetari i Listës Serbe, Goran Rakiç, është shprehur se presidenti i Serbisë, Aleksandër Vuçiç, ka kërkuar që serbët të tërhiqen barrikadat. /Kosovatimes/
