{"id":25115,"date":"2026-07-30T14:19:00","date_gmt":"2026-07-30T12:19:00","guid":{"rendered":"https:\/\/kosovatimes.info\/?p=25115"},"modified":"2026-07-30T15:15:14","modified_gmt":"2026-07-30T13:15:14","slug":"tete-vjet-pa-bekim-lumin-trashegimia-e-tij-vazhdon-te-jetoje","status":"publish","type":"post","link":"https:\/\/kosovatimes.info\/index.php\/2026\/07\/30\/tete-vjet-pa-bekim-lumin-trashegimia-e-tij-vazhdon-te-jetoje\/","title":{"rendered":"Tet\u00eb vjet pa Bekim Lumin, trash\u00ebgimia e tij vazhdon t\u00eb jetoj\u00eb"},"content":{"rendered":"\n

et\u00eb vjet nga ndarja nga jeta, emri i regjisorit Bekim Lumi vazhdon t\u00eb kujtohet si nj\u00eb nga figurat m\u00eb t\u00eb r\u00ebnd\u00ebsishme t\u00eb teatrit bashk\u00ebkohor n\u00eb Kosov\u00eb dhe n\u00eb hap\u00ebsir\u00ebn shqiptare. P\u00ebrmes nj\u00eb krijimtarie t\u00eb ve\u00e7ant\u00eb regjisoriale, ai la pas nj\u00eb trash\u00ebgimi t\u00eb gjer\u00eb artistike, me shfaqje q\u00eb u vler\u00ebsuan p\u00ebr k\u00ebrkimin estetik, interpretimin dhe gjuh\u00ebn e tyre t\u00eb ve\u00e7ant\u00eb skenike.<\/strong><\/p>\n\n\n\n

Nd\u00ebr veprat m\u00eb t\u00eb njohura t\u00eb Bekim Lumit jan\u00eb \u201cK\u00ebmisha e gjakut\u201d, \u201cArturo Ui\u201d, \u201cDilerat\u201d, \u201cM\u00ebsimi\u201d, \u201cGalani\u201d, \u201cSht\u00ebpia e Bernarda Alb\u00ebs\u201d, \u201c\u00c7ifti Martin\u201d, \u201cJohn Cage\u2019s Hamlet\u201d dhe \u201cNana dhe f\u00ebmija\u201d. P\u00ebrmes k\u00ebtyre realizimeve, Lumi solli nj\u00eb qasje t\u00eb re ndaj teatrit, duke e konceptuar sken\u00ebn si nj\u00eb hap\u00ebsir\u00eb k\u00ebrkimi, eksperimentimi dhe komunikimi t\u00eb drejtp\u00ebrdrejt\u00eb me publikun.<\/p>\n\n\n\n

\u201cK\u00ebmisha e gjakut\u201d, e realizuar p\u00ebrmes Teatrit Laborator \u201cLoja\u201d, ishte nj\u00eb nga shfaqjet q\u00eb d\u00ebshmoi bindjen e tij se fuqia e teatrit nuk varet nga madh\u00ebsia e sken\u00ebs, por nga loja e aktorit, energjia krijuese dhe p\u00ebrjetimi artistik. Nd\u00ebrsa \u201cArturo Ui\u201d i Bertolt Brechtit, shfaqja e fundit e tij, u cil\u00ebsua si nj\u00eb testament artistik i nj\u00eb regjisori q\u00eb deri n\u00eb fund mbeti i p\u00ebrkushtuar ndaj k\u00ebrkimit dhe sfidimit t\u00eb formave tradicionale teatrore.<\/p>\n\n\n\n

Nj\u00eb vend t\u00eb ve\u00e7ant\u00eb n\u00eb krijimtarin\u00eb e Lumit z\u00eb Teatri Laborator \u201cLoja\u201d, i themeluar si nj\u00eb hap\u00ebsir\u00eb p\u00ebr zhvillimin e ideve t\u00eb reja skenike. N\u00eb k\u00ebt\u00eb laborator krijues, aktori dhe procesi i pun\u00ebs ishin n\u00eb qend\u00ebr t\u00eb filozofis\u00eb s\u00eb tij artistike, nd\u00ebrsa \u201cloja\u201d mbeti koncepti themelor i gjith\u00eb rrug\u00ebtimit t\u00eb tij teatral.<\/p>\n\n\n\n

N\u00eb 8-vjetorin e p\u00ebrkujtimit t\u00eb Bekim Lumit, publicisti Afrim Demiri ka ndar\u00eb nj\u00eb mesazh kujtese, duke e cil\u00ebsuar 30 korrikun si Dit\u00ebn e kujtes\u00ebs p\u00ebr regjisorin. Ai ka b\u00ebr\u00eb t\u00eb ditur se n\u00eb k\u00ebt\u00eb dit\u00eb do t\u00eb d\u00ebrgohen letra p\u00ebrkujtimore n\u00eb dhjet\u00ebra adresa, me pull\u00ebn postare me portretin e Bekim Lumit.<\/p>\n\n\n\n

Sipas Demirit, kjo nism\u00eb lidhet me dashurin\u00eb e ve\u00e7ant\u00eb q\u00eb Lumi kishte p\u00ebr let\u00ebrk\u00ebmbimin dhe komunikimin p\u00ebrmes post\u00ebs. Letrat dhe kartolinat q\u00eb ai u d\u00ebrgonte miqve dhe familjar\u00ebve, sipas tij, kan\u00eb mbetur d\u00ebshmi e ndjeshm\u00ebris\u00eb s\u00eb tij njer\u00ebzore dhe krijuese.<\/p>\n\n\n\n

\u201cArti i tij, n\u00eb saj\u00eb t\u00eb p\u00ebrkushtimit tuaj, ka vazhduar t\u00eb flas\u00eb me publikun\u201d, shkruan Demiri n\u00eb mesazhin e tij, duke fal\u00ebnderuar institucionet kulturore, artist\u00ebt dhe artdash\u00ebsit q\u00eb kan\u00eb kontribuar n\u00eb ruajtjen dhe promovimin e vepr\u00ebs s\u00eb Bekim Lumit.<\/p>\n\n\n\n