{"id":25124,"date":"2026-07-30T13:11:00","date_gmt":"2026-07-30T11:11:00","guid":{"rendered":"https:\/\/kosovatimes.info\/?p=25124"},"modified":"2026-07-30T15:19:52","modified_gmt":"2026-07-30T13:19:52","slug":"haxhiu-personat-e-zhdukur-mbeten-plaga-me-e-madhe-e-kosoves","status":"publish","type":"post","link":"https:\/\/kosovatimes.info\/index.php\/2026\/07\/30\/haxhiu-personat-e-zhdukur-mbeten-plaga-me-e-madhe-e-kosoves\/","title":{"rendered":"Haxhiu: Personat e zhdukur mbeten plaga m\u00eb e madhe e Kosov\u00ebs"},"content":{"rendered":"\n

<\/a><\/p>\n\n\n\n

U.D. Presidentja e Kosov\u00ebs, Albulena Haxhiu, ka vizituar sot lokacionin n\u00eb fshatin Kallud\u00ebr t\u00eb Zubin Potokut, ku institucionet e vendit po zhvillojn\u00eb g\u00ebrmime n\u00eb k\u00ebrkim t\u00eb personave t\u00eb zhdukur me dhun\u00eb gjat\u00eb luft\u00ebs s\u00eb fundit n\u00eb Kosov\u00eb.<\/strong><\/h2>\n\n\n\n

Haxhiu ka fal\u00ebnderuar institucionet e p\u00ebrfshira n\u00eb k\u00ebt\u00eb proces, duke p\u00ebrmendur Policin\u00eb e Kosov\u00ebs, Prokurorin\u00eb, Komisionin p\u00ebr Personat e Zhdukur me Dhun\u00eb, Institutin e Mjek\u00ebsis\u00eb Ligjore dhe t\u00eb gjitha strukturat tjera q\u00eb po angazhohen p\u00ebr zbardhjen e fatit t\u00eb personave t\u00eb zhdukur.<\/p>\n\n\n\n

\u201cSot, bashk\u00eb me ministren Bogujevci, dhe me ministrin Hoti jemi k\u00ebtu n\u00eb fshatin Kallud\u00ebr, p\u00ebr t\u00eb par\u00eb nga af\u00ebr pun\u00ebn e ekipeve tona n\u00eb k\u00ebrkim t\u00eb s\u00eb v\u00ebrtet\u00ebs p\u00ebr personat e zhdukur me dhun\u00eb gjat\u00eb luft\u00ebs s\u00eb fundit n\u00eb Kosov\u00eb. M\u00eb lejoni q\u00eb s\u00eb pari t\u00eb fal\u00ebnderoj institucionet e Republik\u00ebs s\u00eb Kosov\u00ebs p\u00ebr p\u00ebrfshirjen n\u00eb k\u00ebt\u00eb proces, secilin institucion n\u00eb ve\u00e7anti: nga Policia, nga Prokuroria, nga Komisioni p\u00ebr Personat e Zhdukur me Dhun\u00eb gjat\u00eb luft\u00ebs s\u00eb fundit n\u00eb Kosov\u00eb, po ashtu nga IML-ja, por edhe secilin institucion tjet\u00ebr q\u00eb po e b\u00ebjn\u00eb angazhimin m\u00eb t\u00eb madh p\u00ebr t\u00eb ardhur deri te e v\u00ebrteta\u201d, ka th\u00ebn\u00eb ajo.<\/p>\n\n\n\n

Haxhiu ka k\u00ebrkuar q\u00eb institucionet dhe mediat t\u00eb tregojn\u00eb kujdes n\u00eb m\u00ebnyr\u00eb q\u00eb t\u00eb ruhet integriteti i hetimeve, duke theksuar ndjeshm\u00ebrin\u00eb e procesit dhe nevoj\u00ebn p\u00ebr respekt ndaj familjeve q\u00eb ende presin p\u00ebrgjigje p\u00ebr fatin e t\u00eb af\u00ebrmve t\u00eb tyre.<\/p>\n\n\n\n

\u201cAjo \u00e7far\u00eb \u00ebsht\u00eb konfirmuar \u00ebsht\u00eb q\u00eb mbetjet jan\u00eb me prejardhje njer\u00ebzore. Duhet t\u00eb presim pun\u00ebn e institucioneve kompetente p\u00ebr ekzaminime dhe p\u00ebr identifikim\u201d, ka deklaruar Haxhiu.<\/p>\n\n\n\n

Ajo tha se \u00e7\u00ebshtja e personave t\u00eb zhdukur me dhun\u00eb mbetet plag\u00eb e hapur edhe m\u00eb shum\u00eb se 27 vjet pas p\u00ebrfundimit t\u00eb luft\u00ebs.<\/p>\n\n\n\n

\u201cPersonat e zhdukur me dhun\u00eb gjat\u00eb luft\u00ebs n\u00eb Kosov\u00eb jan\u00eb plaga m\u00eb e madhe me t\u00eb cil\u00ebn p\u00ebrballemi edhe sot. Edhe pas m\u00eb shum\u00eb se 27 vitesh nga p\u00ebrfundimi i luft\u00ebs, ne vazhdojm\u00eb t\u00eb p\u00ebrballemi me pasojat e saj\u201d, ka th\u00ebn\u00eb Haxhiu.<\/p>\n\n\n\n

Tutje ajo theksoi se , p\u00ebrderisa institucionet po punojn\u00eb p\u00ebr zbardhjen e fatit t\u00eb t\u00eb zhdukurve, Kosova vazhdon t\u00eb p\u00ebrballet edhe me mohim t\u00eb krimeve nga zyrtar\u00ebt n\u00eb Serbi.<\/p>\n\n\n\n

\u201cP\u00ebr sa koh\u00eb k\u00ebtu po b\u00ebhet p\u00ebrpjekje maksimale p\u00ebr t\u00eb kuptuar se ku jan\u00eb personat e zhdukur me dhun\u00eb, vazhdojm\u00eb t\u00eb p\u00ebrballemi me gjuh\u00eb urrejtjeje, me retorik\u00eb shoviniste, me mohim t\u00eb krimeve, e po ashtu me pretendime territoriale ndaj Republik\u00ebs s\u00eb Kosov\u00ebs nga krer\u00ebt e institucioneve n\u00eb Serbi\u201d, ka shtuar ajo.<\/p>\n\n\n\n

Haxhiu\u00a0u ka b\u00ebr\u00eb thirrje partner\u00ebve nd\u00ebrkomb\u00ebtar\u00eb q\u00eb t\u2019i b\u00ebjn\u00eb presion Serbis\u00eb p\u00ebr hapjen e arkivave t\u00eb saj. Ajo tha se nuk ka problem nga ana e institucioneve t\u00eb Kosov\u00ebs, por se Serbia nuk po jep informacione dhe nuk po i hap arkivat.<\/p>\n\n\n\n