{"id":41519,"date":"2026-11-06T10:16:35","date_gmt":"2026-11-06T09:16:35","guid":{"rendered":"https:\/\/kosovatimes.info\/?p=41519"},"modified":"2026-11-06T10:16:37","modified_gmt":"2026-11-06T09:16:37","slug":"bashkepunimi-kosove-suedi-con-ne-konfiskimin-e-pasurive-kriminale","status":"publish","type":"post","link":"https:\/\/kosovatimes.info\/index.php\/2026\/11\/06\/bashkepunimi-kosove-suedi-con-ne-konfiskimin-e-pasurive-kriminale\/","title":{"rendered":"Bashk\u00ebpunimi Kosov\u00eb\u2013Suedi \u00e7on n\u00eb konfiskimin e pasurive kriminale"},"content":{"rendered":"\n

Bashk\u00ebpunimi nd\u00ebrmjet autoriteteve t\u00eb Kosov\u00ebs dhe atyre suedeze ka mund\u00ebsuar sekuestrimin e pronave t\u00eb paluajtshme, parave t\u00eb gatshme dhe nj\u00eb automjeti n\u00eb Kosov\u00eb, n\u00eb kuad\u00ebr t\u00eb nj\u00eb hetimi p\u00ebr trafikim t\u00eb narkotik\u00ebve dhe shp\u00eblarje t\u00eb parave.<\/strong><\/p>\n\n\n\n

yra e Kryeprokurorit t\u00eb Shtetit ka b\u00ebr\u00eb t\u00eb ditur se bashk\u00ebpunimi nd\u00ebrmjet Prokuroris\u00eb Speciale t\u00eb Kosov\u00ebs dhe autoriteteve suedeze ka rezultuar me arrestimin e personit me inicialet A.G. dhe konfiskimin e pasurive t\u00eb dyshuara se jan\u00eb fituar p\u00ebrmes veprimtarive kriminale.<\/p>\n\n\n\n

Sipas njoftimit, rasti tashm\u00eb ka marr\u00eb epilog gjyq\u00ebsor n\u00eb Suedi dhe p\u00ebrb\u00ebn rastin e par\u00eb kur autoritetet suedeze kan\u00eb arritur t\u00eb konfiskojn\u00eb pasuri jasht\u00eb juridiksionit t\u00eb tyre territorial.<\/p>\n\n\n\n

Zyra p\u00ebr Rikthimin e Aseteve, e cila funksionon n\u00eb kuad\u00ebr t\u00eb Zyr\u00ebs s\u00eb Kryeprokurorit t\u00eb Shtetit, n\u00eb bashk\u00ebpunim me autoritetet suedeze, do t\u00eb nd\u00ebrmarr\u00eb hapat e m\u00ebtejm\u00eb p\u00ebr ekzekutimin p\u00ebrfundimtar t\u00eb vendimit p\u00ebr pasurit\u00eb e konfiskuara n\u00eb Kosov\u00eb.<\/p>\n\n\n\n

Nd\u00ebrkaq, sipas komunikat\u00ebs s\u00eb autoriteteve suedeze, personi ishte arrestuar n\u00eb rajonin e Goteborgut, n\u00ebn dyshimin p\u00ebr trafikim t\u00eb narkotik\u00ebve n\u00eb p\u00ebrmasa jasht\u00ebzakonisht t\u00eb m\u00ebdha dhe shp\u00eblarje t\u00eb r\u00ebnd\u00eb t\u00eb parave.<\/p>\n\n\n\n

Gjat\u00eb operacionit jan\u00eb realizuar kontrolle dhe bastisje n\u00eb t\u00eb dyja shtetet. N\u00eb Kosov\u00eb jan\u00eb sekuestruar prona t\u00eb paluajtshme, para t\u00eb gatshme dhe nj\u00eb automjet, nd\u00ebrsa n\u00eb Suedi jan\u00eb siguruar sende me vler\u00eb dhe materiale digjitale q\u00eb do t\u00eb sh\u00ebrbejn\u00eb p\u00ebr vazhdimin e hetimeve dhe analizimin e rrjedhave financiare.<\/p>\n\n\n\n

Prokurori shtet\u00ebror suedez, Daniel Larson, nga Autoriteti Suedez p\u00ebr Krimet Ekonomike, ka vler\u00ebsuar bashk\u00ebpunimin me Prokurorin\u00eb Speciale t\u00eb Kosov\u00ebs, duke theksuar r\u00ebnd\u00ebsin\u00eb e tij n\u00eb realizimin e sekuestrimeve.<\/p>\n\n\n\n

\u201cBashk\u00ebpunimi me Prokurorin\u00eb Speciale t\u00eb Kosov\u00ebs \u00ebsht\u00eb karakterizuar nga profesionalizmi i lart\u00eb dhe gatishm\u00ebria e plot\u00eb p\u00ebr bashk\u00ebpunim, gj\u00eb q\u00eb ka qen\u00eb parakusht p\u00ebr sekuestrimin e pronave t\u00eb paluajtshme, parave t\u00eb gatshme dhe nj\u00eb automjeti n\u00eb k\u00ebt\u00eb rast\u201d, ka deklaruar Larson.<\/p>\n\n\n\n

Ai ka theksuar gjithashtu se autoritetet suedeze po p\u00ebrdorin legjislacionin e ri p\u00ebr t\u00eb mund\u00ebsuar konfiskimin e pasurive q\u00eb ndodhen edhe jasht\u00eb territorit t\u00eb Suedis\u00eb.<\/p>\n\n\n\n

Edhe nga Policia suedeze \u00ebsht\u00eb theksuar se q\u00ebllimi i operacionit ka qen\u00eb goditja e krimit t\u00eb organizuar dhe konfiskimi i p\u00ebrfitimeve t\u00eb realizuara p\u00ebrmes veprimtarive kriminale, pavar\u00ebsisht se ku ndodhen ato.<\/p>\n\n\n\n

\u201cKrimi nuk duhet t\u00eb shp\u00ebrblehet dhe nuk ka r\u00ebnd\u00ebsi n\u00ebse dikush p\u00ebrpiqet t\u2019i fsheh\u00eb p\u00ebrfitimet nga aktivitetet kriminale jasht\u00eb vendit. Ne do t\u2019i gjejm\u00eb ato dhe synimi yn\u00eb \u00ebsht\u00eb konfiskimi i tyre\u201d, ka deklaruar Tomas Stakeberg Jansson, shef n\u00eb Policin\u00eb e rajonit per\u00ebndimor t\u00eb Suedis\u00eb.<\/p>\n\n\n\n

Hetimet udh\u00ebhiqen nga prokuror\u00ebt shtet\u00ebror\u00eb Daniel Larson, nga Autoriteti Suedez p\u00ebr Krimet Ekonomike, dhe H\u00e5kan Larsson, nga Nj\u00ebsia Komb\u00ebtare p\u00ebr Luftimin e Krimit Nd\u00ebrkomb\u00ebtar dhe t\u00eb Organizuar (RIO), pran\u00eb Prokuroris\u00eb Suedeze.<\/p>\n\n\n\n

Zyra e Kryeprokurorit t\u00eb Shtetit ka vler\u00ebsuar se ky rast d\u00ebshmon r\u00ebnd\u00ebsin\u00eb e bashk\u00ebpunimit juridik nd\u00ebrkomb\u00ebtar n\u00eb luftimin e kriminalitetit dhe konfiskimin e pasurive t\u00eb p\u00ebrfituara nga veprat penale, pavar\u00ebsisht vendit ku ato jan\u00eb vendosur.<\/p>\n\n\n\n