Një spektator u vra dhe dy të tjerë u plagosën në një aksident të tmerrshëm që ndodhi gjatë rally-t Sudamericano në Argjentinë të dielën, njoftoi Federata Ndërkombëtare e Automobilave (FIA).
Pamjet video tregojnë automjetin që godet një argjinaturë përpara se të përmbyset në zonën e spektatorëve në Cordoba të Argjentinës. Shoferi Didier Arias dhe bashkë-shoferi Hector Nunez shpëtuan pa lëndime serioze, sipas raportimeve të medias.
“FIA është thellësisht e trishtuar nga incidenti tragjik që ndodhi sot gjatë raundit të dytë të Kampionatit FIA CODASUR Rally në Rallyn Sudamericano Mina Clavero, në të cilin një spektator humbi jetën dhe dy të tjerë u plagosën”, thuhet në deklaratën e FIA-s.
FIA do të ofrojë mbështetje të plotë për organizatorët e Rally Sudamericano Mina Clavero, Shoqatën Argjentinase të Automobilave (ACA) dhe autoritetet lokale përkatëse në hetimin e incidentit.
Aksidenti ndodhi një ditë pasi piloti i garave Juha Miettinen humbi jetën dhe gjashtë të tjerë u plagosën në një aksident gjatë kualifikimeve për garën ADAC 24h Nuerburgring.
Ju lutemi vini re se videoja ka përmbajtje shqetësuese dhe nuk është për të gjithë, megjithëse momenti i vuajtjes së burrit nuk është qartë i dukshëm.
Nëse doni ta shikoni, mund ta bëni më poshtë:
