Aleanca Kosovare e Bizneseve me Organizatën Turistike të Restoranteve Bujtinave Shqiptare, nënshkruan memorandumin e mirëkuptimit, me qëllim të rritjes së bashkëpunimit ekonomik ndërmjet këtyre organizmave nën moton “Bashkë për Vlerat e Shqiptarisë”.
Agim Shahini, kryetar i Aleancës Kosovare të Bizneseve, tha se kjo marrëveshje e bashkëpunimit do ta dërgon Kosovën edhe më afër bashkëpunimit më tregun e Shqipërisë më të gjithë afaristët e kësaj ane në ngritjen e bashkëpunimit në fushën e turizmit, tregtisë, e mbi të gjitha promovimin e prodhimeve vendore të dy vendeve dhe njëkohësisht të rriten shkëmbimet tregtare ndërmjet dy vendeve tona.
“Përmes kësaj marrëveshjeje, do të jemi ata të cilët do t’i ofrojmë afaristëve kosovarë që produktet e tyre të cilat prodhohen në territorin e Kosovës, të ju mundësojmë që të lidhen me afaristët e Shqipërisë për shitblerje më së afërmi dhe anasjelltas. I thërras të gjithë bizneset kosovare që të ofrohen pranë bizneseve Shqipërisë që të lidhin kontrata që produktet e tyre në secilën sferë, të bashkëpunojnë dhe po ashtu bizneset e Shqipërisë te sjellin produktet e tyre ne tregun e Kosovës sepse vetëm të bashkuar si dy shtete duke mbështetur produktet tona shqiptare do jemi më të fort dhe më të zhvilluar si shtete e si komb ndaj konkurrencë së ashpër nga vende e zhvilluara në tregjet të dy shteteve tona”, tha Shahini.
Kujtim Dervishi Kryetari i Organizatës më të madhe të Shqipërisë Turistike e Restoranteve Bujtinave Shqiptare, deklaroi se marrëveshja e bashkëpunimit midis Organizatës Restoranteve Bujtinave Shqiptare dhe Aleancës Kosovare të Biznesit, që po nënshkruajmë në Tiranë, është preludi i një pune të gjatë të këtyre dy organizatave.
“Tani këto dy organizata nisin një rrugë bashkëpunimi dhe mbështetje reciproke, në interes të sipërmarrjeve tona, nën moton, Bashkë për Vlerat e Shqiptarisë”, tha Dervishi.
Marrëveshjen e përshëndeti edhe Ministria e Bujqësisë Shqipërisë, Frida Krifca, pjesëmarrëse në këtë event me rëndësi të veçantë, për organizatat nënshkruese
“Ne besojmë se marrëveshjet e tilla, ndërtojnë ura komunikimi dhe risin bashkëpunimin. Ato strukturojnë modele efikase për ekonomitë e vendeve tona por edhe më tej. Tani na duhet të punojmë fortë për t’i materializuar ato dhe vënë në funksion e interes të anëtarësive tona”, tha Krifca.
Po ashtu më rastin e nënshkrimit të kësaj marrëveshjeje ishin prezent, Andi Seferi zv.Kryetar i Bashkisë Tiranë, Arben Tafaj, Kryetar i Shoqatës Tirana, Afrim Tejeci, Kryetar i Dhomës Kombëtare të Biznesit Prizren.
Pas nënshkrimit, në shenje respekti u bë ndarja e tortës e përgatitur dhe një shportë me fruta, ku spikaten elementet e te dy vendeve Shqipëri – Kosovë.
Pas takimit, të ftuarit vizituan qendrën e formimit profesional “NEW GENERATION”, e drejtuar nga familja Tafaj.
Qendra e pare turistike “ Panorama Dajt” mirëpriti për drekë të gjithë te ftuarit, të cilët shijuan gatimet speciale me produkte shqiptare.
Në fund, u trajtuan tema të ndryshme, shqetësimet, problematikat si edhe sugjerime për mirëfunksionimin e mirë të strukturave, që rrit dhe forcon pozitat e shoqatës, ndërton ura komunikimi dhe bashkëpunimi me Shqipërisë dhe Kosovës.
“Turizmi i qëndrueshëm fillon nga ne!” /Kosovatimes/
