Një person është intervistuar nga autoritetet pasi dyshohet se ka hyrë pa autorizim në një sistem kompjuterik dhe ka shkarkuar të dhëna, duke penguar funksionimin normal të tij.
Sipas njoftimit, i dyshuari mashkull kosovar dyshohet se ka kryer veprat penale “hyrje e paautorizuar kompjuterike” dhe “pengim i funksionimit të sistemeve kompjuterike dhe të informacionit”.
“Është intervistuar i dyshuari mashkull kosovar i cili pa autorizim ka hyrë dhe ka shkarkuar të dhëna nga një sistem kompjuterik duke penguar funksionin e rregullt të sistemit”, thuhet në raport.
Gjatë hetimeve, policia ka konfiskuar një laptop dhe një telefon celular, të cilat dyshohet se janë përdorur për kryerjen e veprës.
Me vendim të prokurorit, i dyshuari është liruar në procedurë të rregullt, ndërsa rasti vazhdon të hetohet.
