Sot në mbarë botën shënohet Dita Botërore e Prindërve, datë kjo e vendosur nga Asambleja e Përgjithshme e Kombeve të Bashkuara më 17 shtator 2012.
Në një rezolutë të miratuar thuhej se 1 qershori shpallet Dita Botërore në nderim të Prindërve në të gjithë botën.
Rezoluta fton shtetet anëtare të OKB-së të festojnë Ditën Botërore të Prindërve në kuadrin e marrëdhënieve të partneritetit të gjithanshëm me shoqërinë civile, në veçanti me pjesëmarrjen e të rinjve dhe fëmijëve, për të marrë pjesë në veprimtaritë kushtuar kësaj dite.
Sipas të dhënave ndërkombëtare, mbi 2 miliardë fëmijë në botë varen drejtpërdrejt nga kujdesi dhe përkushtimi i prindërve, duke e bërë rolin e tyre thelbësor për zhvillimin dhe mirëqenien e shoqërisë.
Po ashtu, studimet tregojnë se përfshirja aktive e prindërve në edukimin e fëmijëve rrit ndjeshëm suksesin shkollor dhe zhvillimin emocional të tyre.
