Macron ripërseritë: “Kam ndërmend të flas me Putinin”.

Presidenti i Francës Emmanuel Macron vazhdoi traditën e shkuarjes në darkën e Krishtlindjeve me ushtarë francezë këtë vit. Të hënën, ai shkoi në aeroplanmbajtësen Charles de Gaulle për të vizituar ushtarët pasi vizitoi Katarin për finalen e Kupës së Botës.

Me këtë rast kreu i shtetit ka dhënë një intervistë për TF1 dhe LCI, transmetuar të martën, më 20 dhjetor, përcjell TF1 Info.

Emmanuel Macron iu referua situatës në Ukrainë dhe përsëriti dëshirën e tij për të ofruar  garanci sigurie , si për Kievin ashtu edhe për Moskën, në ditën kur do të zhvillohen bisedimet e paqes për përfundimin e konfliktit. Ai gjithashtu konfirmoi se armët janë dorëzuar në Ukrainë në ditët e fundit  dhe se Franca do t’i dorëzojë ato nga tremujori i parë i 2023, me dërgimin e armëve të reja Cezar të planifikuar .

“Nuk kam folur ende me të… Por kam ndërmend ta bëj këtë kur të flas me kreun e IAEA (Agjencia Ndërkombëtare e Energjisë Atomike, op.GN .) dhe Presidentin Zelensky, pasi tema e bisedës sonë të radhës do të jetë siguria bërthamore dhe siguria e infrastrukturës civile në Ukrainë, veçanërisht termocentrali bërthamor Zaporozhye, nëse nuk ka tema të tjera që do të rezultojnë të jenë prioritetet kryesore”, tha presidenti francez në një intervistë, duke iu përgjigjur pyetjes se kur ai do të kishte një bisedë telefonike me Putinin.

Edhe pse Putin ka thënë më herët se është në kontakt me disa liderë perëndimorë, përfshirë Macron. Kremlini tha se, për momentin, plani i Putinit nuk përfshin një bisedë me presidentin francez.

Në përgjithësi, qëndrimi i Putinit është se ai nuk dëshiron të zhvillojë negociata serioze për çështjen e Ukrainës “me ata që gjithsesi nuk vendosin për asgjë”. Ndonëse në këtë kontekst nuk përmend askënd në mënyrë eksplicite, dihet mirë se çfarë po mendon kreu i shtetit rus dhe se të vetmit bashkëbisedues për këtë temë i sheh tek zyrtarët e SHBA-së.