Ambasada ruse në Suedi njoftoi sot çmimet e naftës në Evropë dhe bashkangjiti një hartë të Evropës me një listë çmimesh sipas vendeve.
Në atë hartë, Kosova paraqitet si shtet i pavarur dhe Krimeja dhe Donbasi si pjesë e Ukrainës. Supozimi është se fokusi ishte te çmimet e naftës dhe nga pakujdesia, ambasada ruse në fakt paraqiti një pamje të ndryshme nga politika që ajo mbron publikisht.
Kujtojmë se Rusia e mbështet Serbinë, duke thënë se Kosova është një shtet i “ashtuquajtur”, ndërsa përvetësoi territore ukrainase, të cilat nuk njihen ndërkombëtarisht si pjesë e Rusisë – Krimea në vitin 2014 dhe Donbasi vitin e kaluar.
Gasoline prices per liter, 9 January 2023 pic.twitter.com/cUbJjhuVQx
— Russian Embassy, SWE (@RusEmbSwe) January 17, 2023
