Sekretari i Thesarit, Scott Bessent, tha të enjten se SHBA-të do të vendosin “sanksionet më të ashpra në histori” ndaj Iranit , duke shtuar se masat ekonomike duhet të zvogëlojnë nevojën për operacione të reja të mëdha ushtarake kundër Teheranit.Deklarata e tij erdhi pasi Presidenti Donald Trump kërcënoi një “luftë ekonomike” një ditë më parë dhe paralajmëroi për pasoja ekonomike për çdo vend që ofron “çfarëdo lloj ndihme financiare për Iranin”.
Bessent i tha CNBC se do të jepte më shumë detaje në një konferencë për shtyp të hënën dhe “do të fliste saktësisht për atë që do të bëjmë” me Iranin.
“Është një goditje e dyfishtë. Ne kemi një bllokadë (ndaj Iranit) dhe do të kemi sanksionet më të ashpra në histori”, tha ai.
“Kjo do të funksionojë. Ne do ta rrëzojmë këtë regjim. Është koha që aleatët tanë dhe pjesa tjetër e botës të marrin një vendim”, tha Bessent. “Ju ose jeni me ne ose kundër nesh.”
Kur u pyet nëse Shtetet e Bashkuara do ta sulmonin Kinën për shkak të biznesit me Iranin, Bessent tha se bisedimet ishte më mirë të zhvilloheshin privatisht.
«Mbani mend se kinezët marrin 50 përqind të energjisë së tyre nga Gjiri. Pra, do të ishte shumë e dobishme për ta të përfshiheshin në program», tha ai.
