Organizata e Veteranëve të Luftës së UÇK-së (OVL-UÇK) ka dënuar ashpër, siç thotë, përpjekjet e Serbisë për të lartësuar Ratko Mlladiqin dhe për ta kthyer varrimin e tij në akt nderimi shtetëror.
Në reagim, OVL-UÇK e cilëson të turpshme kurorëzimin e një krimineli të dënuar për krime lufte si hero kombëtar, duke thënë se një veprim i tillë fyen viktimat dhe rehabiliton ideologjinë që, sipas saj, prodhoi gjenocid.
“Beogradi sërish refuzon të përballet me të kaluarën e vet kriminale. Përkundrazi, vazhdon ta ushqejë po atë ideologji që shkaktoi masakrat, dëbimet dhe varrezat masive”, thuhet në reagim.
OVL-UÇK ka vlerësuar se një sjellje e tillë kërcënon paqen rajonale.
“Kujtimi dhe dinjiteti i viktimave nuk negociohen. As tani, as kurrë”, përfundon reagimi.
