Kabineti qeveritar ka marrë vendim për shfuqizimin e vendimit të prillit përmes të cilit kishte ndaluar përkohësisht eksportin e disa produkteve bazike ushqimore.
Këto produkte përfshinë, grurin, miellin e misrit, vajin, sheqerin e bardhë, kripën.
Propozimin para kabinetit e bëri ministrja e Industrisë, Ndërmarrësisë dhe Tregtisë, Rozeta Hajdari.
“Në të dhënat ditore nga Dogana vërejmë që tregu i Kosovës nuk ka ngecje për furnizim, derisa kemi përmirësim dhe lehtësim të furnizimit me lëndë të parë, andaj ministria propozon shfuqizim të vendimit”- tha Hajdari.
Ndalimin për eksport kabineti qeveritar e kishte marrë në prill të këtij viti.
Ky vendim ishte marrë për shkak të krizës me furnizim dhe rritjes së çmimeve.
Këtu mund të gjeni vendimin e shfuqizuar.
