Në kuadër të shënimit të Tetorit Rozë, Drejtoria e Shëndetësisë e Kryeqytetit u ka bërë thirrje qytetareve që t’i kushtojnë më shumë vëmendje shëndetit të gjirit dhe të caktojnë termin për ekzaminim mamografik.
Sipas njoftimit të Komunës së Prishtinës, kontrollet e rregullta shëndetësore ndihmojnë në zbulimin e hershëm të ndryshimeve në gji dhe në marrjen me kohë të masave të nevojshme.
Ekzaminimet mamografike ofrohen në këto pika shëndetësore:
QKMF, Rruga “Fehmi Agani”, nr. 20, Qendër;
QMF 5, Rruga “Musine Kokalari”, Dardani;
QMF Veternik, Rruga “Nekibe Kelmendi”.
Komuna e Prishtinës, përmes kësaj fushate, synon të rrisë ndërgjegjësimin për rëndësinë e kontrolleve të rregullta dhe të zbulimit të hershëm të ndryshimeve në gji.
