Një avion komercial në një fluturim nga Dubai për në Tel Aviv sinjalizoi një emergjencë këtë mëngjes ndërsa kthehej mbi Arabinë Saudite dhe më pas dërgoi një kod që tregonte një rrëmbim aeroplani ose ndërhyrje të paligjshme. Aeroplani bëri një ulje emergjente dhe u raportua se pilotët u përleshën.
Ekuipazhi i fluturimit të Flydubai këtë mëngjes lëshoi një paralajmërim sigurie në lidhje me rrëmbimin e aeroplanit pasi dy pilotët u grindën, raporton Jerusalem Post.
Fillimisht, ekuipazhi dërgoi një alarm emergjence dhe më pas një kod që sinjalizonte rrëmbim avioni ose ndërhyrje të paligjshme. Paralajmërimet u dërguan ndërsa avioni po kthehej mbi Arabinë Saudite.
Ata shpejt bënë një ulje emergjente në atë vend dhe u zbulua se çfarë kishte ndodhur në fluturim. Sipas tyre, kishte pasur një sherr në kabinën e pilotit.
Ndërkohë, Lindja e Mesme “u ngrit në këmbë” për shkak të këtij paralajmërimi. Forcat Ajrore Izraelite rritën nivelin e gatishmërisë dhe aktivizuan avionët luftarakë në rast emergjence. Benjamin Netanyahu gjithashtu thirri menjëherë një takim sigurie me zyrtarët e mbrojtjes.
