Sipas IHMK-së, vranësira më të theksuara mund të paraqiten herë pas here përreth relievit malor, ndërsa nuk parashihen reshje.
Temperaturat minimale do të lëvizin nga -1°C deri në 3°C, ndërsa maksimalet nga 18°C deri në 22°C.
Sipas të dhënave për qytetet, temperatura më e ulët pritet në Dragash, -2°C, ndërsa më e larta në Prizren, Gjakovë dhe Istog, 22°C.
Era do të fryjë nga verilindja, me shpejtësi 1–4 m/s.
Sipas tendencave aktuale të parashikimeve, më 9 dhe 10 tetor pritet një ndryshim i kushteve atmosferike, me mundësi për reshje shiu në gjithë territorin.
“Në viset e larta mbi 1200m lartësi mbidetare, paraqiten kushte për reshje bore. Ky është një lajm i mirë, veçanërisht për bujqësinë dhe përgatitjen e tokës, pas periudhës së thatë”, thuhet në parashikim.
Sasia dhe shpërndarja e reshjeve do të jenë më të qarta me afrimin e këtyre datave.
