Një pajisje e panjohur shpërtheu gjatë natës në hyrje të Ambasadës Amerikane në Oslo. U shkaktuan dëme materiale, por askush nuk u lëndua.
Një shpërthim i fuqishëm pranë ambasadës në Oslon perëndimore u dëgjua rreth orës 1 të mëngjesit dhe dëshmitarët okularë u thanë mediave lokale se tymi ishte i dukshëm.
Policia po komunikon me ambasadën.
Zëdhënësi i policisë, Mikael Dellemyr, i tha transmetuesit publik NRK se shpërthimi ndodhi në hyrje të seksionit konsullor.
Departamenti i Policisë së Oslos tha se ende nuk dihet se çfarë e shkaktoi shpërthimin ose kush ishte i përfshirë në incident.
“Policia është në kontakt me ambasadën dhe nuk ka raportime për të lënduar”, thuhet në deklaratë.
