Pas dy ditësh në kërkim, Policia e Kosovës ka arrestuar Albert Sylajn, të dyshuar për rastin e vrasjes së rëndë që ndodhi më 25 tetor në Vitomiricë të Pejës. I dyshuari u lokalizua dhe u arrestua mbrëmjen e 27 tetorit në Deçan, rreth orës 23:40, pas një operacioni policor dhe bashkëpunimit me qytetarët.
Policia e Kosovës ka arrestuar Albert Sylajn, i dyshuar për përfshirje në rastin e vrasjes së rëndë që ndodhi më 25 tetor në fshatin Vitomiricë të Pejës.
Sipas njoftimit të Policisë së Kosovës, arrestimi u realizua sonte rreth orës 23:40 në Deçan, pas angazhimeve intensive operative e hetimore dhe bashkëpunimit me qytetarët.
I dyshuari ishte në kërkim nga organet e rendit në lidhje me këtë rast. Policia ka falënderuar qytetarët për bashkëpunimin e dhënë në lokalizimin e tij.
Ndërkohë, autoritetet kanë bërë të ditur se veprimet e mëtejshme procedurale do të ndërmerren në koordinim me organet kompetente të drejtësisë, me qëllim të zbardhjes së plotë të rrethanave të rastit.
Deri në një vendim përfundimtar të gjykatës, personi i dyshuar prezumohet i pafajshëm, në përputhje me parimin e prezumimit të pafajësisë.
