Pesë persona janë arrestuar nga Policia e Kosovës, nën dyshimin për trafikim me narkotikë.
Sipas njoftimit të policisë, gjatë kontrollit të dy veturave dhe një banese që të dyshuarit i kishin në shfrytëzim, policia ka sekuestruar 52.93 gramë kokainë, 517.5 gramë marihuanë, një peshore, 440 euro para dhe tre telefona mobilë.
Me vendim të prokurorit, katër të dyshuar janë dërguar në mbajtje, ndërsa një tjetër është liruar në procedurë të rregullt, ka njoftuar Policia e Kosovës.
