Moti në Shqipëri i qëndrueshëm paradite, nga mesdita shtim vranësirash e reshje

ATSH/ Shërbimi Meteorologjik Ushtarak njoftoi se sot vendi ynë pritet të ndikohet nga kushte atmosferike relativisht të qëndrueshme.

Moti parashikohet fillimisht me kthjellime e vranësira në shtim prej orëve të mesditës.

Reshjet e herëpasherëshme të shiut me intensitet të ulët pritet të bëhen prezente fillimisht përgjatë vijës bregdetare e gradualisht pritet të shtrihet në pjesën tjetër të territorit.  Përgjatë vijës bregdetare reshjet pritet të jenë herë-herës në formën e shtrëngatave afatshkurtra shoqëruar me shkarkesa elektrike.

Era pritet të fryjë me drejtim nga kuadrati i jugut me shpejtësi mesatare 4 m/s, përgjatë vijës bregdetare e kryesisht atë jugperëndimorë dhe lugina era me shpejtësi deri në 14 m/s  shoqëruar me valëzim në dete të forcës 1-3 ballë.