Prokurori i Shtetit njofton se gjatë 24 orëve të fundit nga prokuroritë themelore janë ngritur 60 aktakuza kundër 66 personave, për vepra të ndryshme penale.
Po ashtu, me urdhër të Prokurorit të Shtetit, për 48 orë janë ndaluar dhjetë persona, si dhe janë bërë tetë kërkesa për caktimin e paraburgimit për tetë persona, të dyshuar për vepra të ndryshme penale.
Sipas njoftimit të Prokurorit të Shtetit, Prokuroria Themelore në Prishtinë, gjatë 24 orëve të fundit, me urdhër të prokurorit ka ndaluar dy persona, ka paraqitur dy kërkesa për caktimin e masës së paraburgimit ndaj tre personave dhe ka 18 aktakuza kundër 19 personave për vepra të ndryshme penale, kurse Prokuroria Themelore në Prizren, ka parashtruar një kërkesë për caktim të paraburgimit ndaj një personi. Ndërsa, nga kjo prokurori janë ngritur pesë aktakuza kundër gjashtë personave, për vepra të ndryshme penale. E Prokuroria Themelore në Gjilan, me urdhër të prokurorit ka ndaluar gjashtë persona të dyshuar, në kohëzgjatje prej 48 orësh, si dhe janë ngritur shtatë aktakuza kundër 13 personave për vepra të ndryshme penale.
Prokuroria Themelore në Gjakovë, me urdhër të prokurorëve kujdestar, është ndaluar një person në kohëzgjatje prej 48 orësh, për kryerjen veprës penale, Prokuroria Themelore në Mitrovicë, ka ndaluar pesë persona, ka bërë një kërkesë për caktimin e paraburgimit për një person, si dhe ka ngritur gjashtë aktakuza kundër gjashtë personave, për vepra penale te ndryshme.
Prokuroria Themelore në Ferizaj, gjatë 24 orëve të fundit, ka ndaluar dy persona të dyshuar në dy raste të ndara dhe ka ngritur pesë aktakuza kundër pesë personave për vepra të ndryshme penale.
