Një shqiptar është arrestuar nga efektivët e policisë në zonën e Meranos në Itali, pasi ky i fundit ishte shpallur në kërkim dhe ishte dëbuar nga territori italian që prej vitit 2015.
Mësohet se ai ka qenë përgjegjës për një sërë krimesh, kryesisht për vjedhjen e banesave, për të cilën ishte dënuar me 8 vite burg.
Që prej marrjes së dënimit dhe njohjes me vendimin për t’u dëbuar në 2015, ai kishte humbur gjurmët.
Në përfundim të hetimeve nga prokuroria e Bolzanos, autoritetet zbuluan se ai fshihej në një shtëpi në Merano, nga ku ai u përpoq të arratiset gjatë orëve të natës, por pa sukses.
