Një grua 61-vjeçare u gjet e vdekur brenda shtëpisë së saj në rrugën Aithras, në zonën e Akropolit, ne Greqi në orët e para të mëngjesit të sotëm. Burri i saj 63-vjeçar , i cili dyshohet se e rrahu, u arrestua në lidhje me rastin.
Sipas informacioneve nga “Kathimerini”, ai telefonoi në numrin 100 dhe njoftoi policinë se e kishte goditur gruan e tij dhe raportoi se ajo ishte pa ndjenja.
Thirrja mobilizoi autoritetet, të cilat nxituan në shtëpi dhe e gjetën 61-vjeçaren të plagosur për vdekje, me mavijosje në trup.
Në vendngjarje u thirr një mjek ligjor dhe një ambulancë e EKAB, ndërsa 63-vjeçari u arrestua si autor i dyshuar i vrasjes.
Shkaku i vdekjes dhe rrethanat e sakta të incidentit pritet të sqarohen nga ekspertiza mjeko-ligjore, ndërsa çështja po hetohet në kuadër të dhunës në familje.

