Zyrtarët lokalë thanë mbrëmë se bombardimet ruse në rajonin e Dnipropetrovskit në juglindje të Ukrainës vranë një person dhe plagosën gjashtë të tjerë, ndërsa pati edhe viktima në rajonet Zaporizhia dhe Belgorod.
Kreu i administratës ushtarake të rajonit të Dnipropetrovskit, Oleksander Ganzha, tha në Telegram se forcat ruse sulmuan dy lokacione në rajon.
Sulm edhe në Zaporizhia
Më në juglindje, guvernatori rajonal i Zaporizhias, Ivan Fedorov, tha se katër persona u plagosën në një sulm rus pranë kryeqytetit rajonal, i quajtur edhe Zaporizhia.
Matanë kufirit rus në Belgorod Oblast, guvernatori rajonal Vyacheslav Gladkov tha se një banor u vra në një sulm ukrainas në një fshat brenda kufirit.
