Spanja po përjeton një thatësirë rekord, ndërsa po kërkon mënyra për të kursyer konsumin e ujit. Rrënoja të shumta ndërtesash kanë dalë në sipërfaqe si pasojë e tharjes së lumenjve dhe rezervuarëve të ujit.
Rezervuari Sau, tashmë pothuajse i thatë, gjendet rreth 100 kilometra në veri të Barcelonës, Spanjë. Autoritetet në verilindjen e tharë të Spanjës paralajmëruan të martën se Barcelona dhe një zonë e gjerë përreth, ku jetojnë rreth gjashtë milionë njerëz, mund të përballen me kufizime edhe më të ashpra të përdorimit të ujit në muajt e ardhshëm.
Bima u reziston kushteve të vështira të motit në tokën e rezervuarit Sau.
Kreu i Agjencisë Katalanase të Ujit, e cila menaxhon burimet ujore për zonën që përfshin Barcelonën dhe qytete të tjera, Samuel Reyes, tha se një “paralajmërim thatësire” ka të ngjarë të shpallet atje deri në shtator, përveç nëse parashikimi i motit ndryshon në ndërkohë.
“Nëse nuk ka reshje shiu gjatë pranverës dhe verës, nuk do të ketë rritje të nivelit të ujit në liqene dhe rreth shtatorit do të hyjmë në një situatë emergjente në sistemin e lumit Llobregat”, theksoi Reyes.
Një varkë e gjelbër me pedale shihet në një pjesë të tharë të rezervuarit Sau, në veri të Barcelonës, Spanjë, më 18 prill 2023.
Rezervuari pothuajse i thatë Sau, rreth 100 km në veri të Barcelonës, Spanjë, 18 prill.
Autoriteteve të qytetit iu kërkua gjithashtu të ndalonin rrjedhën e ujit të shatërvanëve dhe të kufizonin përdorimin e ujit.
Ka diskutime të vazhdueshme nëse pishinat duhet të mbushen gjatë verës, megjithëse autoritetet e shumë qyteteve thonë se ato janë “strehë” ideale gjatë periudhave të nxehta.
Pamje e rezervuarit La Baells në Berga, rreth 112 kilometra në veri të Barcelonës.
Rënia e nivelit të ujit në Sau në provincën e Girona në Katalonjë.
Një tjetër pamje e rezervuarit La Baells në Berga, rreth 112 kilometra në veri të Barcelonës, Spanjë. Thatësira afatgjatë në Spanjë po shkakton “humbje të pakthyeshme” në të korrat e mbjella në më shumë se 3.5 milionë hektarë, thanë organizatat e Fermerëve.
Pamje e shtëpive të rrënuara në Sant Roma de Sau në brigjet e thara të kënetës së Sau, provinca Girona në Katalonjë, më 16 prill 2023.
Rrënojat e kishës Sant Roma de Sau, që ndodhet në provincën Girona në Katalonjë.
Kjo fotografi tregon një pamje të përgjithshme të shtëpive të rrënuara të Sant Roma de Sau në brigjet e thara të kënetës Sau, që ndodhet në provincën Girona në Katalonjë, më 16 prill 2023.
Thatësira bëri të mundur që kureshtarët t’i vizitojnë rrënojat e Sant Roma de Sau.
