Një avion luftarak amerikan F-35 bëri një ulje emergjente në një bazë ajrore amerikane në Lindjen e Mesme pasi u godit nga zjarr që dyshohet se kishte origjinën nga Irani , sipas dy burimeve të cituara nga CNN.
Kapiteni Tim Hawkins, një zëdhënës i Komandës Qendrore të SHBA-së (CENTCOM), tha se avioni i padukshëm i gjeneratës së pestë “po kryente një mision luftarak mbi Iranin” kur u detyrua të bënte një ulje emergjente. Hawkins tha se avioni u ul në mënyrë të sigurt dhe se incidenti është nën hetim.
“Avioni u ul në mënyrë të sigurt dhe piloti është në gjendje të qëndrueshme”, shtoi Hawkins.
Nëse konfirmohet se është goditur nga zjarri iranian, do të jetë hera e parë që Teherani ka arritur të godasë një avion luftarak amerikan që nga fillimi i luftës .
Si SHBA-ja ashtu edhe Izraeli përdorin avionë F-35 në luftën e Lindjes së Mesme. Avioni kushton mbi 100 milionë dollarë.
