Dukagjini ka shënuar fitore ndaj Prishtinës, me rezultat 1-0, në kuadër të javës së 10-të në Superligën e Kosovës.
Golin e vetëm dhe të fitores për skuadrën nga Klina, e shënoi Iljasa Zulfiu, në minutën e 30’, me këtë rezultat edhe përfundoi pjesa e parë.
Kryeqytetasit u munduan në pjesën e dytë ta barazonin rezultatin, por shpërdoruan mori rastesh, madje Dukagjini pati një rast ideal, nga pika e bardhë në fund të takimit, por që portieri i Prishtinës, Ardit Nika e priti penalltinë.
Prishtina pas humbjes renditet në vendin e katërt me 12 pikë, pas nëntë ndeshjeve.
