Mediat iraniane raportojnë se forcat e Gardës Revolucionare Islamike (IRGC) kanë rrëzuar një dron amerikan ndërsa kërkonin pilotin e zhdukur.
Një dron amerikan u rrëzua në provincën jugore të Isfahanit në Iran, citohet të ketë thënë zyra e marrëdhënieve me publikun e Gardës Revolucionare të Iranit, sipas agjencisë gjysmëzyrtare të lajmeve Fars.
Raportet nuk janë konfirmuar ende nga SHBA-të.BBC raporton se popullsia lokale iu bashkua forcave iraniane në kërkim të pilotit.
Videot në mediat sociale tregojnë qindra njerëz që shkojnë drejt një zone malore në Iranin jugperëndimor për të kërkuar një pilot amerikan të zhdukur.
Ushtria iraniane ka ofruar një shpërblim – një shumë prej rreth 60,000 dollarësh – për këdo që kap anëtarin e ekuipazhit gjallë.Irani pretendoi se kishte rrëzuar një avion luftarak amerikan F-15 duke përdorur sistemin e tij të mbrojtjes ajrore. Piloti i avionit u shpëtua nga forcat amerikane, por anëtari i dytë i ekuipazhit, një oficer i sistemeve të armëve, mungonte për më shumë se një ditë.Al Jazeera: Të paktën katër persona të vrarë, asnjë konfirmim nga Irani për veprimin
Ende nuk ka konfirmim për shpëtimin e piloti të dytë amerikan nga Irani, raporton Al Jazeera, por pati raportime për përleshje dhe disa sulme ajrore në qytetin Dehdahst gjatë natës.
Ende nuk dihet se deri në çfarë mase Teherani ishte i informuar për operacionin dhe sa njerëz të tjerë u vranë. Sipas raportimeve të mëparshme, shkruan Al Jazeera, ka të ngjarë që të paktën katër persona të jenë vrarë.
Axios: ‘CIA u aktivizua, pati një përleshje me forcat izraelite, piloti u plagos dhe u fsheh në male’
Anëtari i ekuipazhit të shpëtuar, raporton Axios , është oficer i sistemeve të armëve dhe u plagos pasi doli nga avioni të premten, por ishte ende në gjendje të ecte më pas dhe i shpëtoi kapjes në male për më shumë se një ditë, tha një nga zyrtarët.
Një zyrtar tha se operacioni i së shtunës u krye nga një njësi e specializuar komando me mbështetje të fortë ajrore, forcat amerikane kishin qëlluar me një breshëri zjarri të rëndë dhe të gjitha forcat ishin tani jashtë Iranit.
Sipas dy burimeve, piloti i F-15 dhe oficeri i sistemeve të armëve bënë kontakt përmes sistemeve të tyre të komunikimit pasi u nxorën nga avioni të premten.
Piloti u shpëtua disa orë pasi avioni u rrëzua. Gjatë operacionit të shpëtimit, Irani goditi një helikopter amerikan Blackhawk, duke plagosur ekuipazhin, por helikopteri arriti të vazhdonte fluturimin.
U desh më shumë se një ditë për të gjetur dhe shpëtuar oficerin e sistemeve të armëve.Një zyrtar i lartë i administratës i tha Axios se, përpara se të gjente oficerin e sistemit të armëve, CIA nisi një fushatë mashtrimi duke përhapur fjalë brenda Iranit se forcat amerikane e kishin gjetur tashmë atë dhe po përpiqeshin të evakuoheshin nga toka.
Ndërkohë, CIA po përdorte “aftësi unike” për ta gjetur atë. “Ky ishte një gjilpërë në kashtë, por në këtë rast ishte një shpirt i guximshëm amerikan brenda një çarjeje malore, i padukshëm përveç aftësive të CIA-s”, tha zyrtari.
Sipas zyrtarëve, CIA ndau vendndodhjen e tij të saktë me Pentagonin, ushtrinë amerikane dhe Shtëpinë e Bardhë, dhe Presidenti Trump urdhëroi një mision të menjëhershëm shpëtimi.
Trupat e Gardës Revolucionare Iraniane (IRGC) thuhet se dërguan forca në rajon për të parandaluar shpëtimin, sipas dy zyrtarëve amerikanë. Avionët e Forcave Ajrore Amerikane kryen sulme ndaj forcave iraniane për t’i penguar ato të arrinin në zonë, thanë burimet.
Trump dhe anëtarë të lartë të ekipit të tij e ndoqën operacionin e shpëtimit nga “dhoma e situatave” e Shtëpisë së Bardhë.
Al Jazeera raporton se qindra forca speciale u përfshinë në operacionin e shpëtimit. Avionët, të cilët kishin ndjekur vendndodhjen e pilotit, hynë në territorin iranian dhe e shpëtuan atë – ai u transportua me helikopter jashtë vendit.
Operacioni filloi natën, siç bën zakonisht ushtria amerikane në operacione të tilla, por përfundoi gjatë ditës.
Nuk shkoi tërësisht sipas planit, ndërsa iu afruan piloti, pati të shtëna dhe mes të të shtënave ata arritën ta shpëtonin pilotiin dhe ta çonin në një vend të sigurt, raporton Al Jazeera.
Trump: Është i lënduar, por do të jetë mirë
Donald Trump konfirmoi shpëtimin e piloti të zhdukur dhe tha se ushtria amerikane po monitoronte vendndodhjen e oficerit të armëve – një kolonel – “24 orë në ditë” dhe po “planifikonte me zell shpëtimin e tij”.
“E KAPËM! Amerikanë të dashur, gjatë orëve të fundit, ushtria amerikane ka kryer një nga operacionet më të guximshme të kërkim-shpëtimit në historinë amerikane për një nga oficerët tanë të jashtëzakonshëm, i cili është gjithashtu një Kolonel shumë i respektuar, dhe për të cilin jam i emocionuar të raportoj se tani është I SIGURTË dhe I SHËNDETSHËM!” shkroi Trump në rrjetin e tij social Truth.
Ushtria amerikane dërgoi “dhjetëra avionë, të armatosur me armët më vdekjeprurëse në botë, për ta nxjerrë atë”, tha Trump. “Ai pësoi lëndime, por do të jetë mirë.”
“Fakti që ne ishim në gjendje të kryenim të dyja këto operacione, pa u vrarë apo plagosur asnjë amerikan, vërteton edhe një herë se kemi arritur dominim dhe supremaci të jashtëzakonshme ajrore mbi qiellin iranian”, tha ai.
Trump tha në postimin e tij në Truth Social se ushtria amerikane “dërgoi dhjetëra aeroplanë” në Iran për të shpëtuar anëtarin e zhdukur të ekuipazhit. Ai tha se vendndodhja e oficerit të zhdukur të sistemeve të armëve ishte “pas vijave të armikut në malet e rrezikshme të Iranit”.
“Gjatë orëve të fundit, ushtria amerikane ka kryer një nga operacionet më të rrezikshme të kërkim-shpëtimit në histori”, thuhet në deklaratën e Trump, e cila u publikua në rrjetin social X nga zëdhënësja e Shtëpisë së Bardhë, Caroline Leavitt .
Gjendet dhe shpëtohet anëtari i zhdukur i avionit luftarak të rrëzuar amerikan
Një burim nga qeveria amerikane i tha Al Jazeera-s se piloti i zhdukur i avionit luftarak amerikan F-15E të rrëzuar u gjet gjatë natës në Iran dhe se u krye një operacion shpëtimi.
Pak pas orës 6, u shfaq informacioni se anëtari i zhdukur i ekuipazhit ishte gjetur, shpëtuar dhe ndodhej në mënyrë të sigurt jashtë territorit iranian dhe se ishte jashtë rrezikut.
Pak më parë, një zyrtar i qeverisë amerikane i deklaroi Al Jazeera- s se operacioni i shpëtimit ishte ende në vazhdim. Më pas u konfirmua se anëtari i zhdukur i ekuipazhit ishte gjetur, por u theksua se ende nuk ishte i sigurt, domethënë se ekipi i shpëtimit duhej të dilte me sukses nga territori iranian dhe të kthehej në vend të sigurt.
Pati të shtëna të dendura me armë zjarri gjatë operacionit dhe mund të ketë ende rrezik për atë person dhe të tjerët e përfshirë në operacionin e shpëtimit.
Piloti i dytë i aeroplanit të rrëzuar u shpëtua të premten.
