Inspektorati Policor i Kosovës (IPK) ka arrestuar një zyrtar policor nën dyshimin për veprën penale “dhunë në familje”.
Sipas IPK-së, rasti është raportuar mbrëmjen e kaluar, ku një zyrtar policor, jashtë detyrës zyrtare në Pejë, dyshohet se ka ushtruar dhunë në familje. Menjëherë pas pranimit të informacionit, hetuesit kanë ndërmarrë veprime dhe kanë intervistuar viktimën, bashkëshorten e të dyshuarit.
Pas konsultimit me prokurorin kompetent, zyrtarit policor i është caktuar masa e ndalimit për 48 orë. Po ashtu, ai është suspenduar nga detyra si pjesë e procedurave administrative dhe hetimore.
IPK ka bërë të ditur se hetimet po vazhdojnë në koordinim me Prokurorinë, me qëllim të ndriçimit të plotë të rrethanave të rastit.
A
Valbona Thaçi / RTKLive
