Rreth 200 persona mbetën të bllokuar në majë të një destinacioni të njohur turistik në Rio de Janeiro gjatë një operacioni policor në favelën Vidigal të qytetit, raportuan mediat lokale.
Shtegu që të çon në majë të Morro Dois Irmãos, shumë i njohur për pamjet e tij të plazhit Ipanema, fillon në lindje të favelës.
Policia nga Zyra e Prokurorit Publik të Bahias dhe policia e Rios u përpoqën të ndalonin anëtarët e bandës Comando Vermelho, të cilët dyshoheshin se fshiheshin në Vidigal, raportoi stacioni televiziv TV Globo.
Por rruga kryesore e hyrjes në shteg u bllokua ndërsa oficerët e policisë dhe anëtarët e dyshuar të bandave shkëmbyen zjarr, duke i lënë turistët e shqetësuar të “bllokuar”.Një video e shpërndarë në rrjetet sociale tregon një grup njerëzish të ulur në tokë ndërsa lind dielli, një helikopter policie fluturon sipër tyre dhe në distancë dëgjohen të shtëna me armë zjarri.
Turistja portugeze
Matilda Oliveiro , së bashku me turistë të tjerë dhe motrën e saj
Rita, po prisnin lindjen e diellit në majë të Morro Dois Irmãos kur guidat e tyre u thanë të uleshin.”Po prisnim lindjen e diellit kur papritmas ciceronët na kërkuan të uleshim dhe pastaj dëgjuam të shtëna me armë zjarri”, tha ajo për TV Globo. “Ata e bënë punën e tyre. Është gjithmonë e frikshme, por gjithçka ishte nën kontroll, për aq sa ishte e mundur. Gjatë rrugës poshtë, kaluam policinë. Deri atëherë, situata ishte plotësisht nën kontroll.”Grupi i turistëve të bllokuar për një kohë të shkurtër arriti të zbriste në luginë pas afërsisht 30 minutash, shkruajnë mediat lokale, duke shtuar se guidat ishin informuar paraprakisht për operacionin. Guida të tjera lokale i thanë TV Globo se ata e koordinuan situatën me njësitë policore që vepronin në Vidigal.
“E gjithë kjo na zuri në befasi, u habitëm. Kishim arritur tashmë në majë kur dëgjuam të shtëna dhe udhërrëfyesit po na tregonin se çfarë po ndodhte”, tha 25-vjeçari Danielly Nobre për gazetën e përditshme O Dia.
Nobre theksoi se udhërrëfyesit e siguruan grupin e saj se gjithçka ishte nën kontroll dhe i njëjti sinjal iu dërgua atyre nga helikopteri i policisë që po fluturonte mbi ta.”Në fund, gjithçka përfundoi mirë. Të gjithë zbritën në kolonë, njëri pas tjetrit, të gjithë ndihmuan njëri-tjetrin, dhe në fund ne prapë arritëm të shihnim lindjen e diellit dhe të përjetonim vërshim adrenaline të pritur”, tha Nobre.
Komando Vermelho dhe grupe të ngjashme kanë rregulla të rrepta në zonat nën kontrollin e tyre. Tani, përveç trafikut të drogës, ata kanë edhe monopolin e furnizimit me gaz, televizionit kabllor, internetit dhe transportit.
