Kryeministri i Republikës së Kosovës, Albin Kurti, në workshopin ndërkombëtar lidhur me Përmirësimin e Menaxhimit të Borxhit Tatimor, organizuar nga Qendra e Ekselencës Financiare nga Sllovenia, nё bashkëpunim me Fondin Monetar Ndërkombëtar, Administratën Tatimore tё Kosovës dhe Administratën Tatimore tё Holandë, tha se performanca pozitive në mbledhjen e tatimeve është si rezultati punës dhe i disiplinës në ATK.
“Kjo performancë pozitave e ATK-së është si rezultat i disiplinës dhe numrit të inspektimeve të ATK-së në njërën anë dhe i rritjes së asaj që literatura e njeh, si morali tatimor në anë tjetër, apo motivi për të paguar taksa nga ana e qytetarëve”, tha Kurti.
Sipas tij kur qytetarët dhe bizneset shohin se institucionet nuk janë të korruptuara dhe nuk po e keqpërdorin dhe po e ruajnë paranë publike, e shpenzojnë me kujdes dhe plan, si dhe me llogaridhënie, ata jenë të gatshëm të paguajnë taksa që do të përdorin për të mirën publike nëpërmjet shërbimeve publike.
Shefi i ekzekutivit, tha se qytetari do të jetë në qendër të politikave të qeverisë, si dhe rritjen e mirëqenies me projekte.
Edhe Ministri i Financave, Punës dhe Transfereve, Hekuran Murati, vlerësoi të arriturat e ATK-së në menaxhimin e borxheve. Ai ka përgëzuar organizatorët për këtë ngjarje të rëndësi për Kosovën dhe rajonin.
“Gjatë viteve të fundit ka treguar performancë të mirë të mbledhjes së tatimore, ATK në këtë vit ka vazhduar me trend pozitive. Në këtë nëntë mujor rritja e të hyrave të ATK-së ka qenë 21.4 %, në raport me vitin 2021. Përveç rritjet së të hyrave ATK ka shënuar progres në reformën në funksion të mbledhjes së borxheve”, tha Murati.
Kurse drejtori i Administratën Tatimore tё Kosovës, Ilir Murtezaj, tha se ATK përmes formave ligjore ka arritur të rrit mbledhjen e borxheve. Sipas tij borxhet janë mbajtur nën kontroll në mënyrë strikte.
“Rritja e të hyrave nuk janë vetëm performanca e vetme e ATK,-së, ajo ka bërë shumë reforma, reforma kryesore është menaxhimi i mbledhjes së borxheve, që ka impakt tek të hyrat tatimore”, tha ai. /Kosovatimes/
