Kryeministri i Republikës së Kosovës, Albin Kurti, ka emëruar Agron Bajramin në pozitën e kryenegociatorit të Kosovës në dialogun teknik për normalizimin e marrëdhënieve me Serbinë, njofton Zyra e Kryeministrit.
Bajrami aktualisht shërben edhe si ambasador i Kosovës në Mbretërinë e Belgjikës, ndërsa me vendimin e ri do të ushtrojë paralelisht edhe përgjegjësitë në procesin e dialogut.
Kryeministri Kurti e ka uruar Bajramin për detyrën e re, duke i dëshiruar suksese në përmbushjen e përgjegjësive të tij.
