Mobilizimi për luftë me Ukrainën është bërë një faktor i ri në rritjen e inflacionit, tha kreu i Bankës Qendrore Elvira Nabiullina, shkruan Business Online.
Fjalët e saj u dëgjuan në një konferencë për shtyp pas mbledhjes së Bordit të Drejtorëve të Bankës Qendrore.
“Në muajt në vijim, për shkak të uljes së kërkesës konsumatore, efektet e saj do të jenë disinflacioniste, por më pas mund të shfaqet një efekt pro-inflacionis nëpërmjet ndryshimeve në strukturën e tregut të punës, mungesës së personelit në specialitete të caktuara”, tha Nabiullina.
Sipas saj, është ende e vështirë të vlerësohen pasojat ekonomike të ndryshimit të strukturës së punësimit. “Ato do të manifestohen gradualisht përmes rregullimit të pagave dhe rritjes së mundshme të fluksit të punës midis industrive dhe rajoneve,” shpjegoi ajo.
Nabiullina shtoi se Banka Qendrore rregulloi parashikimin e inflacionit për vitin 2022 në 12-13% dhe parashikimi për vitin e ardhshëm mbeti në 5-7%. Banka Qendrore do të rikthehet në objektivin e inflacionit prej rreth 4% në vitin 2024.
