Presidenti ukrainas Volodymyr Zelenskiy vendosi sanksione ndaj ish-kreut të zyrës së tij, Andrij Bohdan , raportoi të shtunën agjencia dpa.Sipas dekretit të publikuar, masat përfshijnë konfiskimin e dekoratave shtetërore, ngrirjen e aseteve, ndalimin e transaksioneve tregtare si dhe largimin e kapitalit nga vendi.
Sanksionet supozohet të mbeten në fuqi për 10 vjet dhe nuk është dhënë asnjë arsye zyrtare për to.
Bohdan drejtoi Zyrën e Presidentit nga maji 2019 deri në shkurt 2020.Vetë Bohdan la të kuptohej në Facebook se ky veprim mund të lidhet me raportet e fundit të medias në lidhje me përfshirjen e mundshme të Zelenskit dhe gruas së tij Olena Zelenska në aktivitete korruptive.
Ai sugjeroi që presidenti dyshonte për një lidhje midis raporteve të medias dhe punës ligjore të Bohdanit.
Mediat raportojnë se, përveç Bohdanit, presidenti ukrainas vendosi sanksione ndaj katër personave të tjerë.
