Autoritetet thanë se dy persona u vranë dhe tre u plagosën në një të shtënë me armë zjarri që ndodhi gjatë një takimi biznesi në një qendër tregtare në Teksas. I dyshuari për sulmin u arrestua aty pranë pas një ndjekjeje të shkurtër në këmbë, tha policia, raporton ABC News .
Të shtëna në një qendër tregtare
Të shtënat shpërthyen të martën në mëngjes në një qendër tregtare koreane në Carrollton, një qytet i vendosur rreth 30 kilometra në veri të Dallasit. Policia iu përgjigj raportimeve për të shtëna në K Towne Plaza në qendër të qytetit pak para orës 10 të mëngjesit sipas orës lokale. Dy persona u gjetën të vdekur në vendngjarje, tha shefi i policisë së Carrollton, Roberto Arredondo, duke shtuar se tre personat e plagosur ishin në gjendje të qëndrueshme.Arredondo e përshkroi skenën si “komplekse” në një konferencë për shtyp. Ai tha se oficerët po punonin në “lokacione të shumta” brenda K Towne Plaza dhe në një qendër tregtare aty pranë, të njohur në vend si Koreatown, ku u arrestua i dyshuari. Shefi i policisë e identifikoi të dyshuarin si 69-vjeçarin Seung Han Ho.
“Nuk ka kërcënim të menjëhershëm për publikun në këtë kohë”, tha Arredondo. “Viktimat po takoheshin me të dyshuarin për punë. Ky nuk është një akt i rastësishëm të shtënave.” Arredondo tha se policia po heton ende detajet e marrëdhënies së biznesit midis të dyshuarit
