Sot, më 9 maj, në Kosovë po shënohet Dita e Evropës me aktivitete kulturore, artistike dhe edukative të organizuara në Prishtinë nga Zyra e Bashkimit Evropian.
Kjo datë që simbolizon paqen, unitetin dhe bashkëpunimin ndërmjet vendeve evropiane. Kjo ditë përkujton Deklaratën e Schumanit të vitit 1950, e cila konsiderohet si themeli i Bashkimit Evropian.
Edhe në Kosovë, Dita e Evropës po shënohet me një sërë aktivitetesh të organizuara nga Zyra e Bashkimit Evropian, të cilat po mbahen në Prishtinë.
Aktivitetet nisën në orën 12:00 me hapjen e ekspozitës “Me art festojmë Evropën”, në Europe House në Prishtinë.
Nga ora 13:00, në sheshin “Zahir Pajaziti”, qytetarët patën mundësi të ndjekin performancën e Orkestrës së Fëmijëve dhe të Rinjve “Amadeus”, si dhe aktivitetet në Këndin e BE-së për fëmijë dhe panairin “Team Europe”.
Në ora 13:10 u mbajtën fjalët hyrëse, ndërsa më pas, në ora 13:30, u organizua koncerti i fëmijëve nga “Kori Okarina”.
Festimet do të kulmojnë në mbrëmje, në ora 20:00, me koncertin për Ditën e Evropës, ku do të performojnë këngëtaret Edona Reshitaj, Jehona Sopi dhe Vesa Luma, në sheshin “Zahir Pajaziti” në Prishtinë.
Dita e Evropës shënohet çdo vit në Kosovë përmes aktiviteteve kulturore, artistike dhe edukative, duke promovuar vlerat evropiane dhe bashkëpunimin mes qytetarëve.
