Një zjarr i shkaktuar nga një shpërthim i mundshëm gazi dëmtoi rreth dhjetë shtëpi dhe plagosi tre persona në São Paulo, qytetin më të madh të Brazilit, tha të hënën departamenti lokal i zjarrfikësve.
Pamjet e mediave lokale treguan çati të shkatërruara dhe tym në lagjen Jaguare, rreth 16 kilometra nga qendra e São Paulo-s.Departamenti i zjarrfikësve të shtetit të São Paulos njoftoi në platformën X se kishte dërguar 12 kamionë zjarrfikës në vendngjarje për të shuar zjarrin, duke shtuar se incidenti ka të ngjarë të jetë shkaktuar nga një shpërthim i gazit të lëngshëm të naftës (LPG).
Një zëdhënëse e zjarrfikësve u tha më vonë mediave lokale se dy burra dhe një grua u shpëtuan me lëndime të lehta dhe se nuk pati viktima.
“U goditën disa ndërtesa. Nuk kemi një numër të saktë, por besojmë se rreth dhjetë u goditën drejtpërdrejt”, tha ajo.
Miguel Schincariol/Afp
