Policia e Kosovës ka njoftuar se një person i kërkuar ndërkombëtarisht është ekstraduar nga Gjermania në Kosovë, në kuadër të bashkëpunimit ndërkombëtar për luftimin e krimit.
Sipas njoftimit, ekstradimi është realizuar më 21 maj 2026 nga Drejtoria për Bashkëpunim Ndërkombëtar Policor, në koordinim me njësitë relevante të policisë dhe institucionet e drejtësisë. I dyshuari, shtetas malazez, ishte arrestuar nga autoritetet gjermane pasi kërkohej përmes INTERPOL me letër rreshtim ndërkombëtar.
Ai dyshohet për veprën penale “vrasje e rëndë” dhe për shmangie nga drejtësia për një periudhë të caktuar.
Pas ekstradimit në Kosovë, i dyshuari i është dorëzuar njësive përkatëse policore për vazhdimin e procedurave ligjore.
Policia e Kosovës theksoi se bashkëpunimi me partnerët ndërkombëtarë do të vazhdojë, me qëllim të parandalimit dhe zbulimit të aktiviteteve kriminale, si dhe kapjen e personave të kërkuar brenda dhe jashtë vendit.
