Policia e Kosovës vazhdon punën e saj në pikën kufitare në Jarinje në ofrimin e sigurisë dhe në mbrojtje të sovranitetit dhe integritetit territorial të vendit, teksa si përforcim atje kanë shkuar edhe trupat e KFOR-it, pas protestës së thirrur nga grupet djathtiste të serbëve në afërsi të kësaj pike kufitare.
Rreth orës 14:10, qindra njerëz të mbledhur në vendkalimin administrativ në Jarinje, e kanë thyer kordonin e parë të policisë serbe, i cili ndodhej disa qindra metra larg vendkalimit.Protestuesit janë përleshur me policinë serbe, pasi kanë tentuar të vazhdojnë rrugën drejt pikës kufitare. Ata po udhëhiqen nga Damjan Knezheviq, që është njeri i afërt me grupin paramilitar rus “Wagner”, teksa përleshja erdhi pasi e kaluan kordonin e parë të policisë serbe, derisa më pas u ndaluan nga kordoni i dytë i policisë, e ku njëri prej protestuesve të dhunshëm u arrestua.
Alcune persone di nazionalità serba vogliono raggiungere Jarinje (Kosovo), ma la polizia serba dice no.
Gli animi si scaldano il popolo preme per l’intervento militare subito. pic.twitter.com/BkoKrDz67e
— @dessere88fenice (@dessere88fenice) December 18, 2022
Në anën e Kosovës të vendkalimit janë përforcuar forcat e Forcave Paqeruajtëse Ndërkombëtare (KFOR), të cilat kanë ngritur një kordon me automjete të rënda dhe një barrikadë teli dhe siç raportojnë mediat nga vendi i ngjarjes, askush nuk mundet. kalojnë ose në Kosovë ose në Serbi.
Serbë të dehur protestojnë pranë kufirit me Kosovën
Trupat e KFOR-it janë vendosur në pikën kufitare në Jarinje, pasi nacionalistë serbë nga pjesë të ndryshme të Serbisë, Malit të Zi dhe Republikës Serbe të BeH-së janë mbledhur në afërësi të kësaj pike kufitare.
Grumbullimi i këtyre serbëve ka filluar në orën 13:00, derisa shihen duke konsumuar pije alkoolike dhe duke bërë thirrje kundër Kosovës dhe shqiptarëve.
Ata nuk janë lejuar të afrohen drejt pikës kufitare nga një kordon i policisë serbe. Kjo protestë është organizuar nga dega në Serbi e grupit famëkeq paramilitar rus Wagner si dhe grupe tjera djathtise, të afërta me Rusinë.
Në protestë po marrin pjesë edhe persona të maskuar, të cilët në duar mbajnë flamuj të Serbisë dhe pankarta të ndryshme, ndër të cilat veçohet ajo me mbishkrimin “Kurrë kufi, Kosova është Serbi”.
Po ashtu, këta protestues duke kënduar këngë shoveniste ia kanë vënë flakën edhe “Marrëveshjes së Brukselit”.Ndërkohë, bandat kriminale serbe kanë vazhduar edhe dje me vendosjen e barrikadave të reja në rrugët alternative në veri.Në mesin e të mbledhurve janë ata që mbanin flamuj të Serbisë dhe Rusisë, si dhe flamuj “Nuk ka dorëzim”, dhe pankarta “Lutuni Zotit dhe rrini në Rusi”.
Ministri i Punëve të Brendshme, Xhelal Sveçla, ka thënë të shtunën se çdo çast i kaluar nën bllokim të barrikadave të ngritura nga grupe të armatosura e kriminale është i tepërt. Ai ka thënë veriu i vendit tonë, si çdo cep i Republikës, duhet të kthehet sa më shpejtë në normalitet.
