Norvegjia arrestoi një 17-vjeçar të dyshuar për planifikimin e një sulmi me bombë në qendrën e NATO-s në Stavanger, ndërsa adoleshenti, i cili i mohon akuzat, u ndalua me dyshimin për përgatitjen e një akti terrorist.Norvegjia ka arrestuar një 17-vjeçar të dyshuar për planifikimin e një sulmi me bomba të frymëzuar nga xhihadistët në një strukturë të NATO-s në vendin skandinav, raporton transmetuesi publik NRK.
Sipas NRK, i dyshuari, i cili ka lindur në Norvegji, shprehu mbështetje për Shtetin Islamik dhe u pa në shkollë me flamurin e grupit.
Ai u arrestua të enjten nga shërbimi norvegjez i sigurisë së brendshme PST, i cili është përgjegjës për luftën kundër terrorizmit, dhe të premten iu caktua një masë paraburgimi për dy javë.PST konfirmoi për AFP-në se arrestimi ishte kryer.
– Ai dyshohet sipas dispozitave të Kodit Penal që i referohen përgatitjes së një akti terrorist – tha Line Nivol Nygaard, një zyrtar i lartë i agjencisë.Duke cituar një “hetim në vazhdim”, një zëdhënës i PST-së nuk pranoi të komentojë më tej mbi rastin. Avokati i të dyshuarit, Knut Lerum, i tha AFP-së se klienti i tij i mohon akuzat. NRK duke cituar dokumente të PST-së, pretendon se adoleshenti planifikonte të shpërthente eksplozivë në Qendrën e Përbashkët të Luftës së NATO-s në Jata, në Stavanger, në Norvegjinë jugperëndimore.
Qendra, e themeluar në vitin 2003, merr pjesë në trajnimin e oficerëve të lartë të Aleancës nën udhëheqjen e SHBA-së dhe në organizimin e stërvitjeve ushtarake.Adoleshenti u arrestua në rajonin jugperëndimor të Rogaland, ku ndodhet Stavanger.
