Ministria e Punëve të Jashtme e Iranit reagoi pas sulmeve të përsëritura nga Shtetet e Bashkuara të Amerikës, duke theksuar se Amerika është fajtore për përshkallëzimin sepse nuk respektoi Memorandumin për përfundimin e luftës.
“Përgjegjësia për përshkallëzimin e fundit të armiqësive i takon Shteteve të Bashkuara të Amerikës”, tha ministria e jashtme e Iranit në deklaratën e saj të fundit.
“Sulmet e përsëritura të SHBA-së ndaj Iranit jugor, vendimi i tyre për të vendosur sanksione të reja ndaj naftës iraniane, shkelja e marrëveshjes së Ngushticës së Hormuzit dhe vazhdimi i luftimeve të vazhdueshme në Liban i kanë bërë pjesë të rëndësishme dhe themelore të marrëveshjes joefektive”, thuhet në deklaratën iraniane.
SHBA-të gjithashtu ia hodhën fajin Iranit, duke thënë se sulmet e përsëritura të mërkurën në mëngjes ishin ndëshkim për sulmet iraniane ndaj anijeve tregtare në Ngushticën e Hormuzit.
Në përgjigje, Garda Revolucionare Islamike e Iranit tha se lëshoi raketa dhe dronë në 85 objektiva ushtarake amerikane në Bahrein dhe Kuvajt.
