Komuna e Prishtinës dhe Federata e Futbollit të Kosovës kanë nënshkruar marrëveshje për mirëmbajtjen dhe investimet në stadiumin “Fadil Vokrri”.
Kjo u bë e ditur nga kreu i komunës së Prishtinës Përparim Rama pas një takimi me kreun e FFK Agim Ademi gjatë së cilës biseduan edhe për ndërtimin e stadiumit të ri në Bërnicë.
“Do të vazhdojmë bashkëpunimin mes Kryeqytetit dhe Federata e Futbollit e Kosovës, në mënyrë që bashkërisht të vazhdojë mirëmbajtja dhe investimet në stadiumin “Fadil Vokrri. Gjatë takimit biseduam edhe për bashkëfinancimin e Stadiumit të ri të Kryeqytetit në Bërnicë”, ka shkruar në profilin e tij në facebook i pari i kryeqytetit Rama duke falënderuar Presidentin e Federatës së Futbollit të Kosovës, Agim Ademi për vullnetin dhe përkushtimin për të mirën e futbollit ne kryeqytet dhe në vend. /Kosovatimes/
