Udhëheqësi Suprem i Iranit, Ajatollah Ali Khamenei, është vrarë në kompleksin e tij në kryeqytetin Teheran, njoftuan mediat shtetërore iraniane. Agjencia shtetërore e lajmeve Fars raportoi se Khamenei u vra herët në mëngjes të shtunën “në zyrën e tij në rezidencën e udhëheqësit” ndërsa “kryente detyrat e tij”.
Imazhet satelitore nga Airbus, të marra pas sulmit, tregojnë tym të zi të dendur që ngrihet nga kompleksi i udhëheqësit në Teheran. Pamjet duket se tregojnë disa ndërtesa në kompleks të dëmtuara rëndë nga sulmet.
Kompleksi ku u vra udhëheqësi suprem ndodhet në qendër të Teheranit, pranë universitetit. Është qendra e vendimmarrjes dhe selia kyçe e udhëheqjes teokratike të Republikës Islamike.
Prezantuesi në televizionin shtetëror që i dha lajmin kombit qau ndërsa lexonte njoftimin zyrtar.
Për shkak të vdekjes së udhëheqësit suprem, në Iran janë shpallur 40 ditë zie.
