Ushtria ukrainase në qytetin e Bakhmut kapi dy anëtarë të grupit mercenar Wagner, të cilët vijnë nga Gjermania. Këtë e ka publikuar sot gazeta gjermane Spiegel.
Siç shkruan kjo media gjermane, njëri prej tyre ishte nga Leipzig dhe me origjinë ruse, ndërsa tjetri nga Berlini.
Një mercenar gjerman nga Berlini, 21 vjeç, deklaroi se kishte shkuar në Vagner në shtator dhe se nuk kishte përvojë të mëparshme në luftë. Ai thotë se është detyruar ta bëjë këtë lëvizje nga papunësia afatgjatë dhe është tërhequr nga paga mujore e dhënë nga Wagner në shumën prej tre mijë eurosh, tha ai gjatë marrjes në pyetje në Kiev.
Më tej, ai mercenar gjerman thotë se paga me shtesa mund të jetë deri në pesë apo shtatë mijë euro, varësisht nga shtesat e ndryshme dhe se ai merr dhjetë mijë euro nëse ka dëshmi se ka vrarë një të huaj në anën tjetër dhe në në të njëjtën kohë paraqet si provë pasaportën.
Kjo media gjermane shkruan se Wagner ka mercenarë edhe nga Shtetet e Bashkuara të Amerikës, Franca, Britania e Madhe dhe Siria.
Ditët e fundit mediat nga Serbia raportuan për mercenarët serbë në Wagner. Wagner është një organizatë ushtarake mercenare private nga Rusia e afërt me autoritetet ruse. Vitet e fundit, ato janë shfaqur në Siri, në disa vende afrikane dhe tani në Ukrainë. Shumë vende perëndimore vendosën sanksione ndaj Wagner dhe kriminalizuan bashkimin me radhët e tyre. Për shembull, SHBA e shpalli grupin një organizatë kriminale transnacionale.
Javën e kaluar nga SHBA u njoftua se Wagner kishte rreth 50 mijë anëtarë dhe se rreth 40 mijë prej tyre janë nga radhët e të dënuarve rusë për krime të ndryshme.
Një rritje kaq e shpejtë e numrit të mercenarëve është rezultat i luftës në Ukrainë, në të cilën Moska është përballur me problemin e numrit të trupave. Më parë, Wagner kishte nga disa qindra deri në disa mijëra anëtarë.
